muNh takaa hee kare hai

muNh takaa hee kare hai jis-tis kaa
Hairatee hai yeh 'Aeenaa kis kaa
[Hairatee = surprised]

shaam se kuchh bujhaa saa rahtaa hai
dil huaa hai chiraaG muflis kaa
[muflis = poor/indigent]

the bure muGbachoN ke taivar laik
shaiKH ma'e-KHaane se bhalaa khiskaa
[muGbach = cup-bearer]
[taivar = mood/attitude] [laik = but]

faiz-e-abr chashm-e-tar se uThaa
aaj daaman vasee hai iskaa
[faiz = grace/bounty] [abr = cloud]
[chashm-e-tar = moist eyes]
[vasee = huge/spacious]

taab kisko jo Haal-e-"Meer" sune
Haal hee aur kuchh hai majlis kaa
[taab = patience]