jo too hi sanam

jo too hi sanam hamse bezaar hogA
to jeenA hameN apnA dushwaar hogA
[dushwaar = difficult]

Gam-e-hijr rakhegA betaab dil ko
hameN kuDhte-kuDhte kuchh aazAr hogA
[Gam-e-hijr = sorrow of separation]
[aazAr = sickness/disease]

jo afraat-e-ulfat hai aisa to 'ashiq
ko'i din meN barasoN ka bimaar hogA
[afraat-e-ulfat = stricken of love]

uchaTati mulaaqAt kab tak rahegi
kabhu to tah-e-dil se bhi yaar hogA
[uchaTati = shallow/superficial]
[tah-e-dil = bottom of the heart]

tujhe dekh kar lag gayA dil na jaanA
ke is sangdil se hameN pyaar hogA
[sangdil = stone-hearted]