is 'ahad meiN ilaahee

is 'ahad meiN ilaahI moHabbat ko kyaa huaa
chhoRaa vafaa ko unne muravvat ko kyaa huaa
['ahad = age/period]

ummeed vaar v'ada-e-deedaar mar chale
aate hee aate yaaroN qayaamat ko kyaa huaa
[v'adaa-e-deedaar = those who had been
                    promised a sight/interview]

baKHshish ne mujhko abr-e-karam ki kiyaa KHijal
ai chashm-e-josh ashq-e-nadaamat ko kyaa huaa
[baKHshish = gift] [KHijal = embarass]
[abr-e-karam = cloud of kindness/favor]
[chashm-e-josh = eyes]
[ashq-e-nadaamat = tears of shame]

jaataa hai yaar teG bakaf Gair kee taraf
ai kushtaa-e-sitam teree Gairat ko kyaa huaa
[teG bakaf = sword in hand]
[kushtaa-e-sitam = one used to oppression]
[Gairat = honor/modesty]