gul ko maHboob meiN

gul ko maHboob meiN qayaas kiyaa
farq niklaa bohot jo baas kiyaa
[gul = flower] [qayaas = thought] [baas = smell]

dil ne hamko misaal-e-'Aeenaa
ek 'Alam se roo-shinaas kiyaa
[misaal-e-'Aeenaa = like a mirror] ['Alam = world]
[roo-shinaas = introduce]

kuchh naheeN soojhtaa hameN us bin
shauq ne ham ko be-Havaas kiyaa
[be-Havaas = senseless]

subaH tak sham'a sar ko dhunti rahee
kyaa pataNge ne iltemaas kiyaa
[iltemaas = request]

aise vaHashee kahaaN haiN ai KHubaaN
"Meer" ko tum 'abas udaas kiyaa
[abas = idly/without purpose]